"Yuventus"un futbolçu Timoti Vea Fransaya qayıdacaq.

Matc.az xəbər verir ki, bu barədə insayder Fabritsio Romano məlumat yayıb.

"Marsel" amerikalı vingeri 1 milyon avro qarşılığında icarəyə götürəcək. Liqa 1 təmsilçisi 14+3 milyoon avro qarşılığında 25 yaşlı oyunçunun transfer hüquqlarına yiyələnə bilər.

Qeyd edək ki, "Yuventus" Timoti Veanı 2023-cü ilin yayında "Lill"dən transfer edib. ABŞ millisinin üzvü ötən mövsüm A Seriyası təmsilçisinin heyətində keçirdiyi 43 oyunda 6 qol vurub, 5 qol ötürməsi edib.