"Liverpul" yarımmüdafiəçi Dominik Şoboslai ilə yeni uzunmüddətli müqavilə üzrə rəsmi danışıqlara başlamağa hazırlaşır.

Matc.az xəbər verir ki, bu barədə Fabrisio Romano məlumat yayıb.

25 yaşlı futbolçunun klubla hazırkı müqaviləsi 2028-ci ilin yayına qədərdir. Macarıstanlı futbolçunun müqaviləsini daha 2 il uzatması və maaşının xeyli artması gözlənilir.

Qeyd edək ki8, Şoboslai 2023-cü ilin yayından "Liverpul"da çıxış edir. Bu mövsüm yarımmüdafiəçi bütün yarışlarda 15 oyunda meydana çıxıb, 2 qol vurub və 5 məhsuldar ötürmə edib. "Transfermarkt" portalında futbolçunun dəyəri 85 milyon avrodur.