05 Noyabr 2026, 23:32
FUTBOL

“Nyukasl”ın müdafiəçisi Amar Dediç və onun dostu silah daşıdıqları şübhəsi ilə polisin yoxlamasından keçib. Matc.az “Daily Mail” nəşrinə istinadən verir ki, narahat sakin su anbarının yaxınlığında, şəhər kənarındakı kənd ərazisində futbolçunu və dostunu silahla görüb və bu barədə polisə xəbər verib. Hadisə yerinə silahlı müdaxilə qrupları da daxil olmaqla, altı polis avtomobili göndərilib.
 
Dediç və yoldaşı varlıların yaşadığı “Darras Hall” məhəlləsində avtomobillərinə minərkən saxlanılıb. Axtarış zamanı yay və oxlar aşkar edilərək götürülüb.
 
Hər iki şəxslə söhbətdən sonra polis əməkdaşları ictimaiyyət üçün təhlükə olmadığını müəyyən edib. Sonradan polis bildirib ki, əşyalar əyləncə məqsədilə istifadə olunurmuş. Bununla belə, araşdırma davam edir. 
 
Məlumata görə, Dediç və dostu naməlum hədəfə doğru bir neçə ox atıb, Böyük Britaniyada isə yay və ya arbaletlə heyvan və ya quş ovlamaq qadağandır.
 

XƏBƏRİ PAYLAŞ
  • gplus
  • pinterest