FİDE şahmatçıların avqust reytinqini açıqlayıb. Matc.az xəbər verir ki, siyahıda Azərbaycanın 8 şahmatçısı yer alıb. "Top-100"də 5 kişi qrossmeysterimiz qərarlaşıb.
 
Teymur Rəcəbov 2765 xalla 9-cu, Şəhriyar Məmmədyarov 2764 xalla 11-ci, Qədir Hüseynov 2665 xalla 72-ci, Nicat Abasov 2664 xalla 74-cü pillədə qalıb. 2 addım geriləyən Rauf Məmmədov 2654 xalla 91-ci pillədə qərarlaşıb.
 
Bu siyahıda ilk "üçlük" də dəyişməyib. Maqnus Karlsen (Norveç, 2863) birinci, Fabiano Karuana (ABŞ, 2835) ikinci, Dinq Liren (çin, 2791) üçüncüdür.
 
Qadınlar şahmatçılar arasında isə 3 həmyerlimiz yer alıb. Yığma üzvlərindən Günay Məmmədzadə (2443) 29-cu pillədə qalıb. Hərəyə bir addım irəliləyən Gülnar Məmmədova (2382) 75-cı, Xanım Balacayeva (2376) 85-ci yerə yüksəlib.
 
Qadın zəka sahiblərinin cədvəlində Yifan Hou (çin, 2658) birinci, Humpi Koneru (Hindistan, 2586) ikinci, Aleksandra Qoryaçkina (Rusiya, 2582) üçüncüdür.

XƏBƏRİ PAYLAŞ
  • gplus
  • pinterest