UEFA rəhbərliyi seçkilərdə FİFA-nın hazırkı prezidenti Canni İnfantinoya qarşı alternativ namizəd irəli sürməyi planlaşdırır.

UEFA rəhbərliyi 2027-ci ildə beynəlxalq təşkilatın rəhbəri vəzifəsinə keçiriləcək seçkilərdə FİFA-nın hazırkı prezidenti Canni İnfantinoya qarşı alternativ namizəd irəli sürməyi planlaşdırır.

Matc.az xəbər verir ki, bu barədə "The Guardian" nəşrinin jurnalisti Romen Molina məlumat yayıb.

Bildirilir ki, FİFA-nın 2026-cı il dünya çempionatında ABŞ millisinin oyunçusu Folarin Kaloqunun diskvalifikasiyasını təxirə salmaq barədə qəbul etdiyi qərardan sonra oxşar müzakirələr təkcə Avropada deyil, həm də dünyanın digər regionlarının futbol rəhbərləri arasında aktivləşib. Bir çox funksioner hesab edir ki, "bunun belə davam etməsi mümkün deyil" və FİFA-nın alternativ rəhbərliyə ehtiyacı var.

Müzakirələrlə real addımlar arasında böyük fərq mövcuddur. Növbəti seçkilərdə İnfantinoya açıq şəkildə qarşı çıxmaq üçün siyasi cəsarət tələb olunur ki, bu da bu gün futbol rəhbərlərinin əksəriyyətində çatmır.

Canni İnfantino 2016-cı ildən FİFA-ya rəhbərlik edir. O, daha sonra 2019 və 2023-cü illərdə yenidən bu vəzifəyə seçilib.