"Ştutqart"ın və Almaniyanın gənclərdən ibarət milli komandasının hücumçusu Nik Voltemad "Nyukasl"ın futbolçusu olub.

Matc.az xəbər verir ki, bu barədə İngiltərə klubunun mətbuat xidməti məlumat yayıb.

Sövdələşmənin şərtləri və müqavilənin müddəti açıqlanmayıb, yalnız müqavilənin uzunmüddətli olduğu bildirilir. Mətbuatın yazdığına görə, "Ştutqart" Voltemad üçün 85 milyon avro alıb ki, bu da hücumçunu "Nyukasl" tarixinin ən bahalı transferi edir.

Voltemad həm də tarixin ən bahalı üçüncü alman oyunçusu olub.

Qeyd edək ki, 2024/25 mövsümündə Voltemad Bundesliqada 28 oyun keçirib və 12 qol vurub. O, həmçinin Almaniyanın finalda İngiltərəyə uduzduğu 21 yaşadək futbolçular arasında 2025-ci ildə Avropa çempionatının bombardiri olub.