"Mançester Yunayted"in futbolçusu Alexandro Qarnaço Premyer Liqada klubunu dəyişəcək.

Matc.az xəbər verir ki, bu barədə insayder Fabritsio Romano məlumat yayıb.

"Çelsi" argentinalı vingerin transferini yekunlaşdırıb. London klubu Qarnaço üçün 40+10 milyon funt-sterlinq təzminat ödəyəcək. 21 yaşlı oyunçu "Çelsi" ilə 7 illik müqavilə imzalanacaq.

Qeyd edək ki, Alexandro Qarnaço ötən mövsüm "Mançester Yunayted"in heyətində keçirdiyi 58 oyunda 10 qol vurub, 10 qol ötürməsi edib.