İspaniya millisinin baş məşqçisi Luis de la Fuente 2026-cı il dünya çempionatının 1/16 final mərhələsində Avstriya yığması üzərində qazanılan inamlı qələbə (3:0) barədə danışıb.

Matc.az xəbər verir ki, bu barədə "AS" nəşri məlumat yayıb.

Bildirilir ki, təcrübəli mütəxəssis komandasının çıxışını yüksək qiymətləndirib:

"Böyük komandalar özlərini lazımi məqamda göstərirlər. Əvvəlki oyunlarda baş verənlərə diqqətlə yanaşdıq. Bütün aspektlərdə demək olar ki, tam mükəmməlliyə nail ola bildik. Lakin inkişaf etməyə davam etməliyik. Hər şeyi bir az da yaxşılaşdırmaq mümkündür. Pley-offda rəqiblər daha da çətinləşir. Təfəkkürümüz daha da yaxşılaşır. Komanda getdikcə daha çox şey tələb edir".

Qeyd edək ki, İspaniya millisi növbəti görüşünü iyulun 6-da, 1/8 final mərhələsi çərçivəsində Portuqaliya – Xorvatiya cütünün qalibinə qarşı keçirəcək.