Donetsk "Şaxtyor"unun müdafiəçisi Giorgi Qoçoleyşvili karyerasını Almaniyanın "Hamburq" klubunda davam etdirəcək.

Matc.az xəbər verir ki, bu barədə Ukrayna klubunun mətbuat xidməti məlumat yayıb.

24 yaşlı gürcü yeni mövsümün sonuna kimi icarə əsasında "Hamburq"da çıxış edəcək. İcarə müqaviləsinin təfərrüatları açıqlanmayıb.

Qeyd edək ki, Qoçoleyşvili 2023-cü ilin yanvarında "Şaxtyor"un futbolçusu olub. Əvvəlki mövsümdə o, "Kopenhagen"də icarə əsasında çıxış edib, burada 33 oyun keçirib, 1 qol vurub və 4 məhsuldar ötürmə edib.

Müdafiəçinin Gürcüstan millisində də 14 oyunu var.