"Atalanta" klubu "Bayer"in müdafiəçisi Odilon Kossonunu heyətinə qatıb.

Matc.az xəbər verir ki, bu barədə məlumatı klubun mətbuat xidməti paylaşıb.

Futbolçu ötən yaydan "Atalanta"da çıxış edib, lakin icarə əsasında. Ötən mövsümün yekunlarına görə, İtaliya klubu Fil Dişi Sahili millisinin futbolçusunu almaq opsiyasından yararlanıb, lakin müqavilənin detalları açıqlanmır.

Qeyd edək ki, Kossonu ötən mövsüm "Atalanta"nın heyətində bütün turnirlərdə 23 matçda iştirak edib, 2 məhsuldar ötürmə edib.