Çempionlar Liqasında 1/4 finalın cavab oyunlarına yekun vurulub.

Matc.az xəbər verir ki,  PSJ və "Barselona"nın yarımfinaldakı rəqibləri müəyyənləşib.

"Real" səfərdə 3 cavabsız qolla uduzduğu "Arsenal"ı qəbul edib. Madrid klubu doğma meydanda da uduzaraq turnirlə vidalaşıb.

"Bavariya" isə İtaliyada "İnter"in qonağı olub. Matçda 2:2 hesablı heç-heçə qeydə alınıb. İki oyunun nəticəsinə əsasən "İnter" yarımfinala yüksəlib.

Beləliklə, Çempion Liqasının yarımfinalında "Arsenal" PSJ ilə, "İnter" isə "Barselona" ilə qarşılaşacaq.

Qeyd edək ki, yarımfinalın ilk oyunları 29-30 aprel, cavab görüşləri isə 6-7 may tarixlərində keçiriləcək.

Çempionlar Liqası
1/4 final, cavab oyunları
16 aprel

"Real" (İspaniya) – "Arsenal" (İngiltərə) - 1:2
Qollar: Vinisius, 67 // Saka, 65, Martinelli, 90+3
(İlk oyun – 0:3)

"İnter" (İtaliya) – "Bavariya" (Almaniya) - 2:2
Qollar: Martinez,58, Pavard, 61 // Keyn, 52, Dier, 76
(İlk oyun – 2:1)