“Milan” Emerson Royal üçün “Tottenhem”ə təklif göndərib. Matc.az xəbər verir ki, İtaliya klubu braziliyalı müdafiəçinin transferi üçün ikinci dəfə londonluların qapısını döyüb.

Bir neçə gün əvvəl “rossonyerlər”in 10 milyon avroluq təklifi rədd edilmişdi. “Milan” bu dəfə qarşı tərəfə bonuslarla birlikdə 15 milyon avro ödəməyə hazır olduğunu bildirib. Danışıqlar artıq son mərhələdədi. Yaxın günlərdə keçidin baş tutması gözlənilir. Emerson özü “Milan”la şəxsi müqaviləni razılaşdırıb.

Qeyd edək ki, Emerson Royal 2021-ci ildən “Tottenhem”də çıxış edir.