01 Mart 2024, 15:43
FUTBOL

Bu gün Gəncədə AFFA İcraiyyə Komitəsinin növbəti iclası keçirilib. 
 
Matc.az xəbər verir ki, bu haqda AFFA-nın mətbuat xidmətinin yaydığı açıqlamada bildirilib.
 
İclasda aşağıdakı qərarlar qəbul olunub:
 
1. AFFA-nın Növbəti Hesabat-Seçki Konfransı 2 aprel tarixinə təyin edilsin;
 
2. Müvafiq müraciətə əsasən, adları aşağıda göstərilmiş futbol veteranlarına AFFA-nın təqaüdü verilsin:
 
- İsmayıl Əliyev
 
- Esmiralda Ələkbərova (həkim)
 
- Qara Qarayev
 
- İqor Ponomaryov
 
- Vaqif Sadıqov
 
- Maşallah Əhmədov
 
Qeyd edək ki, “Kəpəz” Futbol Akedemiyasının tikintisilə bağlı İcraiyyə Komitəsinə hesabat təqdim edilib.
 
İclasın sonunda AFFA-nın prezidenti Rövnəq Abdullayev öz istəyi ilə aprelin 2-də keçiriləcək Hesabat-Seçki konfransında namizədiyini irəli sürməyəcəyini bildirib.

XƏBƏRİ PAYLAŞ
  • gplus
  • pinterest