23 Noyabr 2021, 11:03
APL

"Qırmızı-qaralar" öz meydanında ilk qələbəsini 2006/07 mövsümündə əldə edib. 2006-cı il noyabrın 11-də "Gənclərbirliyi" ilə görüş 2:0 hesabı ilə başa çatıb.

"Qəbələ" Premyer Liqada 100-cü ev qələbəsini qazanıb. Matc.az xəbər verir ki, yubiley 11-ci tura təsadüf edib. "Sumqayıt"a 2:1 hesabı ilə qalıb gələn "qırmızı-qaralar" 100-cü dəfə öz meydanında 3 xal əldə edib.
 
Bu, komandanın 225-ci ev matçında qeydə alınıb. Digər 125 oyunda 64 heç-heçəsi olan "Qəbələ" 61 dəfə uduzub.
 
"Qırmızı-qaralar" öz meydanında ilk qələbəsini 2006/07 mövsümündə əldə edib. 2006-cı il noyabrın 11-də "Gənclərbirliyi" ilə görüş 2:0 hesabı ilə başa çatıb.
 
50-ci qələbə isə 2013-cü il noyabrın 22-də AZAL-la matçda gerçəkləşib. Həmin oyunun taleyini bir qol həll edib.

XƏBƏRİ PAYLAŞ
  • gplus
  • pinterest