"Bavariya" ingiltərəli hücumçusu Harri Keyn ilə yeni uzunmüddətli müqavilənin imzalanması barədə şifahi razılıq əldə edib.

Matc.az xəbər verir ki, bu barədə insayder Fabrisio Romano məlumat yayıb.

Tərəflər 2029-cu ilin iyun ayına qədər qüvvədə olacaq razılaşmanın müddətini və futbolçunun maaşını razılaşdırıblar. Hazırda sənədlər hüquqşünaslar tərəfindən nəzərdən keçirilir, bundan sonra müqavilə imzalanacaq və əməkdaşlığın uzadılması rəsmən elan olunacaq.

33 yaşlı ingiltərəli futbolçu cari mövsümdə "Bavariya"nın heyətində bütün turnirlərdə 13 matça çıxıb, 14 qol vurub və 5 məhsuldar ötürmə edib.

Təcrübəli hücumçu 2023-cü ilin yayından bu klubda çıxış edir və hazırda onun transfer dəyəri 60 milyon avro qiymətləndirilir.