Bu gün FİFA-nın 2018-ci il üçün son reytinq siyahısı açıqlanıb. Matç.az xəbər verir ki, Azərbaycan yığması Qurban Qurbanovun rəhbərliyi altında 12 oyun keçirdiyi ili dünyanın 107-ci komandası kimi başa vurub.

Düzdü il ərzində yığmamız 105-ci yerə də qalxıb. Lakin yay aylarında müşahidə olunan bu yüksəliş uzunmüddətli olmayıb. İl ərzində hətta 127-cı sıraya qədər enən komanda sonda bundan 20 addım yuxarıda qərarlaşıb. Millinin son üç aydakı mövqeyi isə sabit qalıb.

Millimiz 2018-ci ilin FİFA reytinqində

Azərbaycan FİFA reytinqinə 1994-cü ildə daxil olub. Millimiz özünün buradakı yubiley – 25-ci ilini tamamlayıb.

Komandamızın əvvəlki illərin yekun siyahıdındakı nəticələrinə baxsaq, tarixin 6-cı göstəricisinin qeydə alındığını görərik. Milimiz yalnız 5 ili daha yüksək pillədə başa vurub.

Rekord 2016-cı ildə yaşanıb. Həmin vaxt milli 90-cı olub. 2013, 1999, 2010 və 1998-ci illəri də ilk "100-lük"də tamamlamaq mümkün olub.

Yığmamızın "100-lük"dən kənardakı ən yaxşı, ümumilikdə 6-cı göstəricisi isə bu ilə təsadüf etdi.

Qeyd edək ki, ən pis nəticə 1994-cü ildə qeydə alınıb. Komandamız ilk ili 147-ci sırada tamamlayıb.

Millimiz FİFA reytinqində ilin yekununda