12 Noyabr 2026, 09:27
FUTBOL

Fransa yığmasının keçmiş futbolçusu Zinəddin Zidan gələcəkdə “Yuventus”a rəhbərlik edə bilər. Matc.az xəbər verir ki, 1996-cı ildən 2001-ci ilə qədər Turin klubunun formasını geyinmiş keçmiş yarımmüdafiəçi bu barədə danışarkən “niyə də olmasın” deyərək fikrini bildirib.
 
Zidan “Yuventus”dakı illərini xatırlayarkən Marçello Lippinin ona verdiyi əsas dərsi vurğulayıb: “Lippi mənə həmişə irəliyə doğru hərəkət etməyi öyrətdi. Turinə gələndə çox da yaxşı oynamırdım, buna görə də mətbuat və ictimaiyyət mənim tələb olunan səviyyədə olmadığımı düşünürdü. Lippi mənə dedi ki, onun rəhbərliyi altında özümü sübut etməliyəm və mən bunun öhdəsindən gəldim”.
 
İtaliya futbolunun ona nə verdiyindən danışan Zidan taktikanı xüsusi qeyd edib: “Xatırlayıram ki, Marçello Lippi ilə hər gün 30 dəqiqə taktika üzərində işləyirdik. Topla oynamağı sevən futbolçu kimi bəzən bundan şikayətlənirdim. Amma dözdüm, çünki məşqçilər taktika ustası idilər”.
Zidan sözlərinə belə yekun vurub: “Lippi mənə inam aşıladı, mən də meydanda bunun əvəzini verməyə çalışdım”.
 

XƏBƏRİ PAYLAŞ
  • gplus
  • pinterest