"Leypsiq"in və Fil Dişi Sahili millisinin vingeri Yan Diomande karyerasında növbəti klub olaraq PSJ-ni seçib.

Matc.az xəbər verir ki, bu barədə David Ornşteyn məlumat yayıb.

Uzun müddət 19 yaşlı vunderkindin transferi üzərində "Liverpul" çalışırdı. İngiltərə klubu Diomandeni Məhəmməd Salahın əvəzləyicisi kimi nəzərdən keçirirdi. İvuarlı futbolçu PSJ-nin layihəsinə mütəmadi olaraq kuboklar qazanmaq və gələcəkdə "Qızıl top"un sahibi olmaq imkanı kimi inanır.

Əvvəllər "Leypsiq"in "Liverpul"dan Diomande üçün 130 milyon avro tələb etdiyi bildirilirdi. PSJ-nin transfer məbləği ilə bağlı Almaniya klubu ilə artıq razılığa gəlib-gəlmədiyi barədə isə məlumat verilmir.

2025/26 mövsümündə Diomandenin hesabında "Leypsiq"in heyətində bütün turnirlərdə keçirdiyi 32 oyunda 13 qol və 8 məhsuldar ötürmə var. Vingerin müqaviləsi 2030-cu ilin yayına kimidir, transfer dəyəri isə 75 milyon avro qiymətləndirilir.