"Bavariya"nın yarımmüdafiəçisi Lennart Karl Çempionlar Liqasının tarixinə düşüb.

Matc.az xəbər verir ki, almaniyalı hücumameyilli yarımmüdafiəçi Liqa mərhələsinin VI turunun "Sportinq"lə oyununda (3:1) fərqlənməklə buna nail olub.

Karl turnirin əsas mərhələsinin ardıcıl üç matçında qol vuran ən gənc oyunçu olub. Almaniyaa U-21 millisinin üzvü 17 yaş 290 günlüyündə tarixi uğura imza atıb.

Bundan əvvəlki rekord Kilian MMbappeyə məxsus idi. Fransalı hücumçu 18 yaş 113 günlüyündə ardıcıl üç qarşılaşmada qol sevinci yaşayıb.