"Vest Hem"dən ayrılan müdafiəçi Kurt Zuma karyerasını "CFR Cluj"da davam etdirəcək.

Matc.az xəbər verir ki, bu barədə Rumıniya klubunun rəsmi saytı məlumat yayıb.

30 yaşlı fransız müdafiəçi 30 iyun 2027-ci ilə qədər müqavilə imzalayaraq azad agent kimi yeni komandasına keçib.

Qeyd edək ki, ötən mövsüm Zuma Səudiyyə Ərəbistanının "Əl-Oruba" klubunda icarə əsasında çıxış edib. "Vest Hem" onu 2021-ci ilin yayında "Çelsi"dən 35 milyon avroya alıb. Bundan əlavə, Zuma "Everton", "Stok Siti" və "Sent-Etyen"də çıxış edib. O, Fransa millisində 11 oyun keçirib.