"Liverpul" "Nyukasl"ın vingeri Entoni Qordonu almaq variantını nəzərdən keçirir.

Matc.az xəbər verir ki, bu barədə "The Sun" məlumat yayıb.

Bildirilir ki, "mersisaydlılar" 24 yaşlı futbolçunun transferi üçün 100 milyon funt-sterlinq (117 milyon avro) ödəməyə hazırdırlar. İngiltərənin çempionu PSJ-nin satmasından imtina etdiyi Bredli Barkolanın alternativ variantı kimi Qordonu nəzərdən keçirir.

Bundan əlavə, "Liverpul"un Qordonla maraqlanması cinah hücumçusu Luis Diasın klubdakı gələcəyinin qeyri-müəyyənliyi ilə bağlıdır.

Qeyd edək ki, ötən mövsüm Qordon bütün turnirlərdə 42 matçda iştirak edib, 9 qol vurub və 7 məhsuldar ötürmə edib. "Transfermarkt" portalında futbolçunun dəyəri 65 milyon avrodur.