20 Noyabr 2026, 21:10
FUTBOL
“Qalatasaray”ın hücumçusu Viktor Osimhen karyerasını İngiltərə Premyer Liqasında davam etdirə bilər. Matc.az “The Sun” nəşrinə istinadən xəbər verir ki, 27 yaşlı nigeriyalı forvard İngiltərə klubuna keçməyə müsbət yanaşır.
Məlumata əsasən, “qırmızı şeytanlar” Osimhenlə bağlı maraqlarını yenidən aktivləşdiriblər. Komandanın yeni baş məşqçisi Maurisio Poçettino hücum xəttini gücləndirmək istəyir və nigeriyalı futbolçunu mümkün transfer hədəflərindən biri hesab edir.
Osimhenin “Qalatasaray”la müqaviləsi 2029-cu ilin iyununa qədər qüvvədədir. Sözləşmədə konkret sərbəstqalma məbləğinin nəzərdə tutulmadığı bildirilir. İstanbul təmsilçisi ulduz futbolçusunu satmaq üçün 95-120 milyon avro arasında təzminat tələb edir.
Nəşrin iddiasına görə, hazırda “Qalatasaray”da illik 15,5 milyon avro qazanan hücumçu Mançester klubunda da buna yaxın maaş almağa razıdır. Transferin reallaşması üçün tərəflərin maliyyə məsələlərində razılığa gəlməsi vacibdir. Hazırkı vəziyyətdə Osimhenin “Mançester Yunayted”ə keçidi üçün ən real variantın yay transfer pəncərəsi olduğu bildirilir.













