"Gəncə" basketbol klubu FIBA Avropa Kubokunda növbəti oyununu keçirib. Matc.az xəbər verir ki, təmsilçimiz Yunanıstanda yerli "Kolossos"la qarşılaşıb.

C qrupunun VII turu çərçivəsində baş tutan görüş meydan sahiblərinin qələbəsi ilə yekunlaşıb.

Belə ki, Falirakidəki "Kalliteya" zalında keçirilən oyunda Gəncə komandası 78:79 hesabı ilə uduzub.

Xatırladaq ki, qrupda daha əvvəl keçirdiyi 6 matçın birində qələbə qazanan Azərbaycan təmsilçisi 8 xalla sonuncu - altıncı yerdədi.

Komanda həmçinin FIBA Avropa Kubokunda səfərdə Bolqarıstanın "Rilski Sportist" klubu ilə keçirilməli olan oyuna getmədiyi üçün texniki məğlubiyyətlə (0:20) cəzalandırılıb.

 

 

XƏBƏRİ PAYLAŞ
  • gplus
  • pinterest