"Bavariya"nın hücumçusu Harri Keyn Bundesliqa matçında "RB Leypsiq"in darmadağın edilməsinə öz töhfəsini verib və çempionatın bombardirlərinin unikal rekordunu müəyyənləşdirib.

Matc.az xəbər verir ki, bu barədə turnirin mətbuat xidməti məlumat yayıb.

Bildirilir ki, ingiltərəli hücumçu üçün bu matç Almaniya çempionatı çərçivəsində 100-cü, vurduğu qol isə 102-ci olub ki, bu da belə matç aralığında bütün dövrlərin ən yaxşı göstəricisidir.

Əvvəllər bu nailiyyət Bundesliqada keçirdiyi ilk yüz oyunda 72 qol vuran "Borussiya" Dortmundun sabiq hücumçusu Timo Konitskiyə məxsus idi.

Harri Keyn bu mövsüm bütün turnirlərdə ümumilikdə 10 oyun keçirib, bu oyunlarda 9 qol vurub və 6 məhsuldar ötürmə edib.