Kabo-Verde millisinin müdafiəçisi Sidni Kabral azarkeşlərin fikrincə 2026-cı il dünya çempionatının ən yaxşı qolunun müəllifi olub.

Matc.az xəbər verir ki, bu barədə FİFA-nın mətbuat xidməti məlumat yayıb.

Dünya çempionatının 1/16 final mərhələsinin Kabo-Verde və Argentina milliləri arasındakı oyununda Afrika komandası əlavə vaxtda 2:3 hesabı ilə uduzub, futbolçu isə 103-cü dəqiqədə yarımmüdafiəçi Aleksis Mak Allisteri fəndlə keçərək topu qapıçı Emiliano Martinesin qoruduğu qapının yuxarı küncünə göndərməklə fərqlənib.

Səsvermədə Kabral ikinci və üçüncü yerləri tutan Eldor Şomurodov (Özbəkistan) və Vilson İzidorunu (Haiti) qabaqlayıb. Mükafata həmçinin Kilian Mbappe (Fransa), Lionel Messi (Argentina), Cud Bellinqem (İngiltərə) və Ferran Torres (İspaniya) də namizəd olublar.