Azərbaycan karateçisi İrina Zaretska (68 kq) Səudiyyə Ərəbistanının paytaxtı Ər-Riyadda keçirilən VI İslam Həmrəyliyi Oyunlarının qalibi olub.

Matc.az xəbər verir ki, təmsilçimiz 68 kq çəki dərəcəsində qızıl medal qazanıb.

İrina Zaretska finalda Türkiyə karateçisi Eda Eltemuru 5:3 hesabı ilə məğlub edib.

Qeyd edək ki, İrina Zaretska üçüncü dəfə İslam Oyunlarının qalibi adını qazanıb. O, daha əvvəl 2017-ci ildə Bakıda və 2021-ci ildə Konyada çempion olub.