"Liverpul" vingeri Kodi Qakpo ilə yeni müqavilə imzaladığını açıqlayıb.

Matc.az xəbər verir ki, bu barədə İngiltərənin hazırkı çempionunun mətbuat xidməti məlumat yayıb.

Lakin müqavilənin şərtləri ilə bağlı heç nə açıqlanmayıb, yalnız müqavilənin uzunmüddətli olduğu qeyd edilib.

26 yaşlı futbolçunun əvvəlki müqaviləsi 2028-ci ilin yayına kimi hesablanıb.

Qeyd edək ki, Qakpo 2023-cü ilin yanvarından İngiltərə klubunda oynayır. Bu müddət ərzində niderlandlı futbolçu "qırmızılar"ın heyətində bütün turnirlərdə 131 matç keçirməyi bacarıb, 42 qol vurub və 16 məhsuldar ötürmə verib.

Daha əvvəl "Liverpul"un "Nyukasl"ın və İsveç millisinin hücumçusu Aleksandr İsakın transferi üzərində işlərə davam etdiyi bildirilirdi.