Futbolumuza öz töhvəsini verən klublardan biri də Qazaxın "Göyəzən" komandasıdır.

Azərbaycan futbolunda hər zaman Qərb bölgəsinin xüsusi yeri olub.

Matc.az xəbər verir ki, futbolumuza öz töhvəsini verən klublardan biri də Qazaxın "Göyəzən" komandasıdır.

Hazırda çətin durumda olan klubun təməli 1977-ci ildə qoyulub. Müxtəlif vaxtlarda futbol üzrə Azərbaycan çempionatının elitasında iştirak edib, Azərbaycan Kubokunda yarımfinal oynayıb.

Elxan Muradov, Raul Xəlilov, Qoşqar Sarıyev, Arzuman Vəliyev, Məhəmməd Babayev, Süleyman Məmmədov, Namiq Bayramov kimi oyunçuları Azərbaycan futboluna qazandırıb.

Lakin Qazax təmsilçisi maddi problemlər səbəbindən dağılmaq üzrədir. Sosial şəbəkələrdə komandanın ayaqda qalması üçün "Göyəzən"ə sahib çıx!" kompaniyası başladılıb. Futbolsevərlərin bu komandaya dəstək olacağı ümidi ilə, biz də, bu yazını paylaşaraq öz dəstəyimizi bildiririk!

Qeyd edək ki, komandaya dəstək üçün şəkildə qeyd edilən hesaba maddi dəstək ola bilərsiniz.