Braziliyanın "Fluminense" klubu müdafiəçisi Marselo ilə müqaviləni ləğv edib.

Matc.az xəbər verir ki, bu barədə klubun mətbuat xidməti məlumat yayıb.

Bunna səbəb, bu gün Braziliya çempionatında "Qremio"ya qarşı keçirilən oyunda (2:2) Marselo meydana əvəzetmədən çıxmağa imtina edib və baş məşqçi Mano Menezeslə mübahisə edib.

Qeyd edək ki, 36 yaşlı Marselo "Fluminense"nin yetirməsidir.

O, "Real" ilə altı dəfə İspaniya çempionatını, beş dəfə Çempionlar Liqasını və İspaniya Superkubokunu, dörd dəfə klublararası dünya kubokunu, üç dəfə UEFA Super Kubokunu, iki dəfə İspaniya Kubokunu qazanıb.

2023-cü ildə isə futbolçu "Fluminense" ilə Libertadores Kubokunun qalibi olub.