Azərbaycan yığmasının sabiq cüdoçusu Rüstəm Orucov Portuqaliyaya yollanacaq. Matc.az xəbər verir ki, o, bu ölkədə ustad dərsi keçəcək.

Belə ki, Avropa Cüdo İttifaqının idman komissarı olan Orucov avqustun 29-31-də keçiriləcək təlim-məşq toplanışında iştirak etmək üçün seminara dəvət edilib.

Keçmiş idmançı Portuqaliyada gənc cüdoçulara ustalığın əsaslarını nümayiş etdirəcək.

Qeyd edək ki, Avropa çempionu Rüstəm Orucov 2016-cı ildə keçirilən Yay Olimpiya Oyunlarının, həmçinin 2017 və 2019-cu illərdə baş tutan dünya çempionatlarının gümüş mükafatçısıdı.