27 Fevral 2022, 23:42
DÖYÜŞ NÖVLƏRİ

Polşanın paytaxtı Varşava şəhərində keçirilən cüdo üzrə "Açıq Avropa" turniri Azərbaycan idmançıları üçün uğurlu olub. Matc.az xəbər verir ki, 34 ölkədən 493 idmançının iştirak etdiyi yarışda Azərbaycan yığma komandası 6 çəki dərəcəsində ümumilikdə 13 idmançı ilə təmsil olunaraq turniri 5 medalla başa vurub.
 
Nəticələrə görə, komandamız sıralamada ümumi hesabda üçüncü, kişilər arasında isə birinci yerdə qərarlaşıb.
 
Turnirin birinci günü -60 kq çəki dərəcəsində mübarizə aparan idmançımız Əhməd Yusifov qızıl, Rövşən Əliyev bürünc medal qazanıb.
 
-66 kq çəki dərəcəsində İbrahim Əliyev qızıl, İsmayıl İbrahimov isə gümüş medala sahib çıxıb.
 
Yarışın ikinci günü +100 kq. çəki dərəcəsində tatamiyə çıxan cüdoçumuz İmran Yusifov fransalı rəqibi Adrien Qeoffroya qalib gələrək bürünc medala layiq görülüb.

XƏBƏRİ PAYLAŞ
  • gplus
  • pinterest