28 Aprel 2021, 19:11
DÖYÜŞ NÖVLƏRİ

Qadın güləşi üzrə Azərbaycan yığması Bakıda məşqləri davam etdirir.
 
Matc.az xəbər verir ki, Olimpiya Güləş Mərkəzində təlim-məşq toplanışı keçən millimiz qarşıdan gələn Dünya Olimpiya Təsnifat turnirinə son hazırlıq prosesini həyata keçirir.
 
Komanda baş məşqçi Aslan Ağayev və məşqçi Rövşən Umudovun rəhbərliyi altında taktiki-texniki məşqlərdə iştirak edir. Fiziki hazırlıq üzrə məşqlər isə bu sahə üzrə mütəxəssis olan Mark Alan Filippinin nəzarəti altında keçirilir.
 
Qeyd edək ki, qadın güləşçilərimiz mayın 3-də Bolqarıstana yollanacaq. Sofiyada keçiriləcək lisenziya yarışında 53, 57, 62, 68 və 76 kq-da çıxış edən güləşçilərimiz Olimpiya Oyunlarına vəsiqə qazanmağa çalışacaq. Qadın güləşçilər Dünya Olimpiya Təsnifat turnirində mayın 7-8-də mübarizə aparacaq.
 

XƏBƏRİ PAYLAŞ
  • gplus
  • pinterest