İspaniya millisi Millətlər Liqasının A Liqasının qrup mərhələsinin II turu çərçivəsində Xorvatiyanı 4:1 hesabı ilə darmadağın edərək məğlubedilməzlik seriyasını 40 oyuna çatdırıb və dünya rekordunu yeniləyib.

Matc.az xəbər verir ki, İspaniya yığmasının əsas vaxtda sonuncu məğlubiyyəti 2024-cü ilin martında Kolumbiya ilə yoldaşlıq oyununda 0:1 hesabı ilə qeydə alınıb. "Furiya Roxa" rəsmi görüşlərdə isə sonuncu dəfə əsas vaxtda 2023-cü ilin martında uduzub. Həmin vaxt AVRO-2024-ün seçmə mərhələsinin A qrupunun ikinci turunun rəsmi oyununda Luis de la Fuentenin yetirmələri Şotlandiyaya 0:2 hesabı ilə məğlub olublar.

Beləliklə, ispanlar ardıcıl rəsmi oyunlarda məğlubiyyətsizlik sayına görə ötən yay dünya çempionatının finalında özlərinin qırdıqları rekordu (38 oyun) yeniləyiblər. Əvvəlki nailiyyət isə İtaliya millisinə məxsus idi. İtalyanlar 2018-ci ilin sentyabrından 2021-ci ilin oktyabrınadək keçirdikləri rəsmi görüşlərdə 37 qarşılaşmada heç vaxt məğlub olmamışdılar.

Qeyd edək ki, məğlubiyyətlərin hesablanmasına Millətlər Liqasının 2025-ci il final oyunu daxil edilməyib. Həmin vaxt İspaniya Portuqaliyaya yalnız 11 metrlik penaltilər seriyasında uduzmuşdu (2:2, penaltilərlə 3:5). Görüşün əsas vaxtı bərabərliklə başa çatmışdı - 2:2.