Fransa milli komandası və yerli futbol federasiyası emblemin dəyişdirildiyini elan edib.

Matc.az xəbər verir ki, qurumun mətbuat xidməti məlumat yayıb.

Bildirilir ki, bundan sonra komandanın loqosunu sola baxan qızılı rəngli xoruz bəzəyəcək. O, qırmızı səma fonunda ağ quşun təsvir olunduğu əvvəlki müasir variantı əvəz edib.

Yenilənmiş retro dizayn gələcək tarixi yazmaq üçün tarixi keçmişdən ilhamlanaraq hazırlanıb. Həmçinin, qızılı xoruzun üzərində ənənəvi olaraq fransızların dünya çempionatlarında qazandıqları qələbələri simvolizə edən iki ulduz, aşağısında isə "FFF FRANCE" yazısı yer alıb.

Qeyd edək ki, son dünya çempionatında Fransa seçməsi üçüncülük uğrunda matça qədər irəliləyib. Dünya çempionatının bürünc medalı uğrunda keçirilən olduqca məhsuldar görüşdə fransızlar qol duelində İngiltərə millisinə 4:6 hesabı ilə uduzublar.