Voleybol üzrə qadınlardan ibarət Azərbaycan millisi avqustun 1-3-də Braziliyanın Uberlandiya şəhərində keçirilən 2020-ci ildə Tokioda keçiriləcək Yay Olimpiya Oyunlarına lisenziya xarakterli Təsnifat Turnirində iştirak etdikdən sonra istirahətə yollanıb. Matc.az xəbər verir ki, IX dəfə Avropa çempionatında iştirak edəcək yığmamız hazırlıqlara avqustun 14-də başlayacaq.

10 günlük fasilədən sonra qızlarımız Avropa çempionatına hazırlıqlara Sloveniyada start verəcək. Hazırlıqlar zamanı Sloveniya millisi və digər komandalarla bir neçə yoldaşlıq oyunu baş tutacaq. Komandamız Avropa çempionatı üçün avqustun 21-də Macarıstana yollanacaq.

C qrupunda mübarizə aparacaq komandamızın rəqibləri Xorvatiya, Hollandiya, Rumıniya, Estoniya və Macarıstandı.

Qeyd edək ki, son Avropa çempionatında millimiz 4-cü yeri tutub.

Bu il keçirilən qitə birinciliyində 24 komanda çempionluq uğrunda mübarizə aparacaq.

23 avqust

17:00 Xorvatiya – Azərbaycan​

19:30 Hollandiya _ Rumıniya

22:30 Macarıstan - Estoniya​

24 avqust​​

20:00. Estoniya – Xorvatiya ​

22:30. Rumıniya – Macarıstan ​​

25 avqust

17:30. Azərbaycan – Hollandiya ​

20:00. Estoniya – Rumıniya ​

26 avqust

20:00. Hollandiya – Xorvatiya

22:30. Macarıstan – Azərbaycan

27 avqust

20:00. Hollandiya – Estoniya ​

22:30. Rumıniya – Xorvatiya ​

28 avqust

17:30. Azərbaycan – Estoniya

20:00. Xorvatiya – Macarıstan​

29 avqust

17:30. Rumıniya – Azərbaycan

20:00. Macarıstan – Hollandiya