Buxarest Universiteti təcili yardım xəstəxanasının direktoru Ketelin Kristoyu Mirça Luçeskunun ikinci dəfə infarkt keçirməsi ilə bağlı xəbərləri təkzib edib.

Matc.az xəbər verir ki, bu barədə məlumatı GOLAZO.ro paylaşıb.

Həkim bildirib ki, 80 yaşlı mütəxəssis xəstəxanadan çıxmağa hazırlaşarkən qan təzyiqinin aşağı düşdüyü qeydə alınıb. İlk infarkt qaçılmaz olub, lakin ikincisi baş veryib.

"Xəstəxanadan ayrılmazdan əvvəl cənab Mirça Luçesku xəstəxanadan çıxmağa hazırlaşan hər bir xəstədə olduğu kimi bir sıra testlərdən keçdi. Həkimlər çox aşağı təzyiq müşahidə etdilər və bundan sonra EKQ aparmaq qərarına gəldilər. Daha sonra infarktın inkişaf mərhələsində olduğu məlum oldu. Biz dərhal müdaxilə etdik və infarkt baş versə də, xəstənin vəziyyəti sabitləşdi.

İkinci infarkt baş vermədi. Buna görə də xəstəxana olaraq xəstənin şüurunun yerində və vəziyyətinin stabil olduğunu izah etmək üçün ikinci bir mətbuat açıqlaması verdik. Yeni məlumatlar ortaya çıxarsa, yalnız bundan sonra bunu ictimaiyyətə açıqlayacağıq", - deyə Kirstoyu bildirib.

Luçeskunun vəziyyəti hazırda stabildir. Rumıniyalı mütəxəssis daim tibbi müşahidə altındadır.

Qeyd edək ki, Mirça Luçesku aprelin 3-də infarkt keçirib. Reanimasiya səyləri sayəsində həkimlər Rumıniya millisinin keçmiş məşqçisinin həyatını xilas edə biliblər.

Luçesku 2024-cü ilin avqustundan 2026-cı ilin aprelinə qədər Rumıniya milli komandasını çalışdırıb. Martın 26-da Türkiyə ilə oyunda (1:0) o, milli komandada ən yaşlı məşqçisi kimi bütün zamanların rekordunu qırıb. O vaxt Luçesku 80 yaş 240 günlüyündə olub.