"Beşiktaş" "İnter"in yarımmüdafiəçisi Kristian Asslanini heyətinə qatacaq.

Matc.az xəbər verir ki, bu barədə İstanbul klubunun prezidenti Serdal Adalı məlumat verib.

"Qara qartallar" albaniyalı futbolçunu icarəyə götürəcək. Hazırda icarə əsasında "Torino"da çıxış edən Asslani mövsümün ikinci yarısını "Beşiktaş"da keçirəcək.23 yaşlı dayaq yarımmüdafiəçisi sabah İstanbulda olacaq.

Qeyd edək ki, Kristian Asslani mövsümün ilk yarısında "Torino"nun heyətində 16 rəsmi oyunda meydana çıxıb.