"Qarabağ"ın U-19 komandasının UEFA Gənclər Liqasının əsas mərhələsinin VI turunda "Ayaks"a qarşı keçirəcəyi matçın təyinatları açıqlanıb.

Matc.az xəbər verir ki, oyunu macarıstanlı Marton Ruş idarə edəcək. Ona yan xətlərdə həmyerliləri Qerqo Viq-Tarsonyi və Balaş Şalaay köməklik göstərəcək.

Dördünca hakim funksiyasını azərbaycanlı Cavid Cəlilov yerinə yetirəcək.

Qeyd edək ki, "Qarabağ" - "Ayaks" qarşılaşması 10 may tarixində saat 15:00-da "Azersun Arena"da keçiriləcək.