Braziliyalı vinger Serjio Barboza futbol tarixində FİFA-ya daxil olan bütün altı konfederasiyanın rəsmi turnirlərində çıxış edən ilk oyunçusu olub.

Matc.az xəbər verir ki, sentyabrın sonunda Barboza Fransa Polineziyasının "Tohie'A" klubuna keçib. Oktyabrın 4-də o, yerli 2-ci Liqa matçında "Tamariya Tapuhute"yə qarşı oyunda yeni komandasında debüt edib.

Qarşılaşma "Tohie'A"nın 5:1 hesablı qələbəsi ilə başa çatıb. Barboza özü iki qol vurub və bir məhsuldar ötürmə edib.

Beləliklə, Barboza tarixdə hər altı konfederasiyada çıxış edən ilk oyunçusu ünvanına sahib çıxıb:

Beləliklə, Barboza tarixdə hər altı konfederasiyada çıxış edən ilk meydan oyunçusu ünvanına sahib çıxıb. Təcrübəli vinger KONMEBOL-u təmsil edən Cənubi Amerikanın "Makae" və "Olayriya" klublarında çıxış etdikdən sonra, Şimali və Mərkəzi Amerikanın KONKAKAF zonasında "Limon", "Komunikasiyones B", "Süçitepekes", "Xutikalpa" və "Nona" komandalarının şərəfini qoruyub.

Onun səyahəti bununla bitməyib. Futbolçu Asiya Futbol Konfederasiyasında (AFK) "Matser 7", "Svan Rienq", "Dxanqadxi", "Minerva Pencab", "Deli", "Racastxan Yunayted" və "Malappuram" komandalarında çıxış edib. Avropada (UEFA) "Zeytun Korintians", Afrikada (KAF) "Onse Bravos du Makiş" klublarında oynayan Barboza, son olaraq Okeaniya (OFK) təmsilçisi "Tohie'A"ya keçməklə unikal rekorda imza atıb.