Kiyev "Dinamo"sunun hücumçusu Matvey Ponomarenko karyerasını İtaliya A Seriyasında davam etdirə bilər.

Matc.az xəbər verir ki, bu barədə insayder Əkrəm Konur məlumat yayıb.

"Milan" ukraynalı futbolçunu transfer etmək istəyir. A Seriyası nəhəngi 20 yaşlı forvard üçün yaxın vaxtlarda hərəkətə keçməyi planlaşdırır.

"Trabzonspor", "Brentford", "Leyptsiq" və "Borussiya" da gənc oyunçunu izləyir.

Qeyd edək ki, Matvey Ponomarenko 2025/26 mövsümündə "Dinamo"sunda keçirdiyi 31 oyunda 24 qol vurub, 3 qol ötürməsi edib.