"Barselona" 22 yaşlı dayaq yarımmüdafiəçisi Mark Kasadonun keçidini açıqlayıb.

Matc.az xəbər verir ki, bu barədə Kataloniya klubunun mətbuat xidməti məlumat yayıb.

Bildirilir ki, ispaniyalı futbolçu 30 milyon avro satınalma seçimi ilə 1 illik icarə əsasında La-Korunyanın "Deportivo" klubuna yollanıb.

Kasado "Barselona" akademiyasının yetirməsidir. Mark Kasado ötən 2025/2026 mövsümündə bütün turnirlərdə ümumilikdə 34 matçda iştirak edib və 1 məhsuldar ötürmə ilə yadda qalıb. İspaniyalı oyunçu yeni mövsümdə "göy-qırmızılar"ın heyətində rəsmi oyunlara çıxmayıb.

Onun kataloniyalılar ilə hazırkı müqavilə müddəti 2028-ci ilin yayına qədərdir. "Transfermarkt" portalında futbolçunun bazar dəyəri 18 milyon avro təşkil edir.