İngiltərənin vitse-çempionu "Mançester Siti" və İtaliya çempionu "İnter" arasında keçirilən yoldaşlıq görüşü başa çatıb.

Matc.az xəbər verir ki, Honkonqdakı "Kay Tak" stadionunda baş tutan qarşılaşmanın əsas vaxtı 1:1 hesabı ilə yekunlaşıb.

Matçın 15-ci dəqiqəsində İngiltərə təmsilçisinin hücumçusu Diven Mubama hesabı açıb. 20-ci dəqiqədə isə "İnter"in müdafiəçisi Benjamin Pavar tarazlığı bərpa edib.

Penaltilər seriyasında daha dəqiq oynayan "İnter" 3:1 hesabı ilə qələbə qazanıb.

Premyer Liqanın ötən mövsümündə "Mançester Siti" 78 xalla ikinci yeri tutub, İtaliya A Seriyasında isə "İnter" 87 xalla mövsümü ilk pillədə başa vurub.