"Real"ın heyətində ciddi itki baş verib.

Matc.az xəbər verir ki, Madrid təmsilçisinin müdafiəçisi Alvaro Karreras sıradan çıxıb. Bu barədə klubun mətbuat xidməti məlumat yayıb.

İspaniyalı futbolçu sağ ayağının baldır əzələsindən zədələnib. 22 yaşlı sol cinah müdafiəçisinin yaşıl meydanlara qayıdacağı tarix açıqlanmayıb.

Qeyd edək ki, Alvaro Karreras bu mövsüm "Real"ın heyətində keçirdiyi 34 oyunda 2 qol vurub, 2 qol ötürməsi edib.