"Real"ın ingiltərəli yarımmüdafiəçisi Cud Bellinqem Madrid klubu ilə yeni müqavilə imzalamağa yaxındır.

Matc.az xəbər verir ki, bu barədə tanınmış insayder Nikolo Skira məlumat yayıb.

Bildirilir ki, 23 yaşlı futbolçunun yeni sözləşməsinin müddəti 2032-ci ilin yayına qədər nəzərdə tutulub. Onun Madrid nəhəngi ilə hazırkı müqaviləsi isə 2029-cu ilin iyununda başa çatır.

Bellinqem 2023-cü ilin yayında Dortmund "Borussiya"sından 103 milyon avro qarşılığında "Real"a transfer olunub. 23 yaşlı ingiltərəli yarımmüdafiəçi 2026/27 mövsümündə "Kral klubu"nun heyətində bütün turnirlərdə meydana çıxdığı 7 matçda artıq 3 qol və 2 məhsuldar ötürmə ilə yadda qalıb.

Bellinqem DÇ-2026-da da parlaq oyun nümayiş etdirib. İngiltərə millisinin heyətində bürünc medal qazanan futbolçu turnir ərzində rəqib qapılarına 7 qol vurub. O, bir dünya çempionatında ən çox qol vuran ingiltərəli futbolçu kimi rekorda imza atıb.