"Mançester Yunayted" Almaniya milli komandasının baş məşqçisi Yulian Nagelsmann ilə ilkin təmas gerçəkləşdirib.

Matc.az xəbər verir ki, bu barədə məlumatı "Topskills Sports UK" paylaşıb.

Bu, işə qəbul şöbəsinin rəhbəri və məşqçinin stilinin böyük pərəstişkarı Kristofer Uivellin güclü təzyiqi fonunda reallaşır. Klub rəhbərliyi Nagelsmannın Premyer Liqada dominantlıq edə biləcək növbəti alman mütəxəssis ola biləcəyinə və Yurgen Kloppun "Liverpul"dakı əfsanəvi uğurunu təkrarlayacağına inanır.

Ser Cim Retkliff və Uivellin klubdakı təsiri xeyli artıb və texniki direktorun isə alman mütəxəssisin taktiki yanaşmasını xüsusilə yüksək qiymətləndirir.

Lakin, Bruno Fernandes də daxil olmaqla, əsas oyunçular hazırkı müvəqqəti baş məşqçi Maykl Kerriki fəal şəkildə dəstəkləyirlər. Kerrik gedərsə, Fernandes yalnız həftəlik 400.000 funt-sterlinq və bonuslar dəyərində yeni müqavilə ilə komandada qalmağa razıdır. Əgər Kerrik vəzifəsini davam etdirərsə, portuqaliyalı hər iki tərəfə uyğun maaş danışıqlarına açıqdır.

Hazırda Yulian Nagelsmann baş məşqçi vəzifəsinə əsas namizədlərdən biridir və onun nümayəndələri ilə danışıqlar artıq ilkin mərhələdədir.