"Leypziq"in futbolçusu Timo Verner karyerasını ABŞ-də davam etdirməyə yaxındır.

Matc.az xəbər verir ki, bu barədə "Sky Sports" televiziyasının əməkdaşı Florian Plettenberq məlumat yayıb.

"San-Xose Ertkveyks" almaniyalı vingerlə danışıqlara başlayıb. 29 yaşlı oyunçunun yanvar ayında MLS təmsilçisi ilə müqavilə imzalayacağı gözlənilir.

Qeyd edək ki, Timo Verner cari mövsümdə "Leypziq"in heyətində 2 oyunda 2 dəqiqə meydanda qalıb. Onun klubla müqaviləsi yayda başa çatır.