Fransa millisinin sabiq üzvü Tyeri Anri "Qarabağ" haqda danışıb.

Matc.az xəbər verir ki, "CBS Sports" kanalında ekspert kimi çalışan veteran hücumçu Azərbaycan çempionunun ünvanınaa xoş sözlər səsləndirib:

"Qarabağ" yenə qalib gəldi. Onlara layiq olduğu tərifi etmək lazımdır. "Qarabağ" çox sadə oynayır, lakin bunu inanılmaz dərəcədə effektiv edir. Sürətli ötürmələr və cinahlardan müntəzəm hücumlar rəqibi çətin vəziyyətə salır. Onları dayandırmaq üçün yüksək səviyyəli komanda olmalısan. Futbol mahiyyətcə sadə bir oyundur, lakin sadəcə oynamaq ən çətin hissədir. “Qarabağ” bu sahədə üstündür".