"Mançester Yunayted" Coşua Zirkze ilə bağlı qərar verib.

Matc.az xəbər verir ki, Premyer Liqa nəhəngi niderlandlı forvardı komandada saxlayacaq. Bu barədə "Corriere dello Sport" nəşri məlumat yayıb.

"Qırmızı şeytanlar" İtaliya klublarının transfer siyahısında olan Niderland millisinin üzvünü satmayacaq.

Qeyd edək ki, "Mançester Yunayted" Coşua Zirkzeni ötən ilin yayında "Bolonya"dan transfer edib. 24 yaşlı hücumçu komandanın heyətində keçirdiyi 49 oyunda 7 qol vurub, 3 qol ötürməsi edib.