Tağızadə "Tudelano" klubunun formasını geyinəcək.

İspaniyanın "Barselona" klubu azərbaycanlı qapıçı Eldar Tağızadəni icarəyə göndərib. Matc.az xəbər verir ki, həmyerlimiz icarə əsasında İspaniyanın 4-cü liqasında çıxış edəcək.

Tağızadə "Tudelano" klubunun formasını geyinəcək. Tərəflər arasında 2025-ci il iyunun 30-dək nəzərdə tutulmuş müqavilə imzalanıb.

Qeyd edək ki, Eldar Tağızadə bu ay azad agent kimi Kataloniya təmsilçisinin B komandasına keçmişdi. Onun “Barselona” ilə sözləşməsinin müddəti 2026-cı ilin yayına qədərdi.