Avstraliya millisinin qapıçısı Metyu Rayan İtaliyaya köçür. Matc.az xəbər verir ki, 32 yaşlı qolkiper “Roma”ya keçməyə hazırlaşır.

Tanınmış insayder Fabritsio Romano sosial şəbəkə vasitəsilə paylaşımında futbolçunun A seriyası təmsilçisi ilə anlaşdığını yayıb. Onun sözlərinə görə, paytaxt klubu Rayana 1+1 illik müqavilə təklif edib. Hazırda azad agent statusu daşıyan qapıçı təklifi qəbul etməyi düşünür.

Qeyd edək ki, ötən mövsüm Niderlandda “Alkmar”ın formasını geyinən Metyu Rayan 39 oyunda 44 qol buraxıb.